ಸೊಗಸು...

ಕಡಲಲೆಗಳಂತೆ ಎದೆ ಬಡಿಯುತಲಿಹುದು,
ಹುಣ್ಣಿಮೆ ಚಂದ್ರನಂತೆ ನೀ ಬಂದಾಗ ಅದು ಏರುವ ಪರಿ ಸೊಗಸು.
ನವಿಲಂತೆ ಮನ ಕಾದಿಹುದು,
ಮಳೆಯಂತೆ ನೀ ಬಂದಾಗ ಅದು ಕುಣಿಯುವ ಪರಿ ಸೊಗಸು.
ಮುಂಜಾವಿನ ಮೊಗ್ಗಂತೆ ಪ್ರೀತಿ ಅವಿತಿಹುದು,
ಸೂರ್ಯನಂತೆ ನೀ ಬಂದಾಗ ಅದು ಅರಳುವ ಪರಿ ಸೊಗಸು.

ಬಾಡಿದ ಜೀವವ ಹಸಿರಾಗಿಸಿರುವೆ,
ಮರುಭೂಮಿಯ ಮನದಲ್ಲಿ ಪ್ರಕೃತಿಯಂತೆ ಪಸರಿಸಿರುವೆ
ನಿನ್ನೊಲವಿನ ನದಿಯಲ್ಲೇ ಬದುಕಿರುವ ಮೀನಾಗಿರುವೆ ಚಿನ್ನ
ನೀನಿರದೆ ಜೀವ ಒದ್ದಾಡುವ ಪರಿ ಸೊಗಸು....