ಜೀವದಳೊಂದು ಜೀವ
ಜೀವ-ಜೀವವು ಬೆರೆಯುತಲಿರಲು, ನನ್ನೊಳ
ಸೇರಿದೆಯಾ…
ನನ್ನಲಿ
ತಿಂದು , ನನ್ನೊಳ ಮಿಂದು, ನನ್ನನೇ ಒದೆಯುವೆಯಾ ?
ಬರಡು
ಬಾಳಲಿ ಮೊಗ್ಗಂತೆ ಅರಳಿ , ಮಡಿಲನು ತುಂಬುವೆಯಾ..
ಮಮತೆಯ
ಕಂಡು , ಹಾಲನು ಉಂಡು, ನಗುತಲಿ ಮಲಗುವೆಯಾ..
ರಚ್ಚೆಯ
ಹಿಡಿದು , ರಗಳೆಯ ಮಾಡಿ, ಕೋಪದಿ ಕುಣಿಯುವೆಯಾ ?
ಸ್ನಾನವ ಮಾಡಿ , ಜೋಗುಳ ಹಾಡನು , ನಲಿಯುತ ಕೇಳುವೆಯಾ..
ತೆವಳುತ,
ತೊದಲುತ, ತಿರುಗಿಸಿ ನನ್ನ ಮನವನು ರಮಿಸುವೆಯಾ ?
ಬೆರಳನು
ಹಿಡಿದು, ನಡಿಯಲು ಕಲಿತು, ನನ್ನನು ಆಡಿಸುವೆಯಾ ..
"ಅಮ್ಮಾ" ಎಂದು ಬೇಗನೆ ಕರೆದು, ನೋವನು ಮರೆಸುವೆಯಾ ??
