ಕುರುಡು ಸಮಾಜ ??

ಕಣ್ಗಳು ಕಾಣದ ಜೀವಗಳು ಕನಸ ಕಾಣಲು ಕಲಿತಿವೆ ,
ಕನಸುಗಳನ್ನು ನನಸಾಗಿಸಲು ಎಂದೋ ಪಣವ ತೊಟ್ಟಿವೆ
ಸೃಷ್ಟಿಕರ್ತನ ಶಪಿಸುವ ಬದಲು ನ್ಯೂನತೆಯ ಮೆಟ್ಟಿ ನಿಂತಿವೆ ,
ಒಂದೇ ಆದರೂ ಹಗಲು ಇರುಳು, ಲಕ್ಷ್ಯವನ್ನು ಗಟ್ಟಿ ಹಿಡಿದಿವೆ
ನೆರಳು ಬೆಳಕಿನ ಮನದಲ್ಲಿ ಬಣ್ಣದ ಚಿಟ್ಟೆಗಳು ಹಾರುತ್ತಿವೆ
ನಾವೂ ಬದುಕಿದ್ದೇವೆ ಎಂದು ಕುರುಡಾದ ಸಮಾಜಕ್ಕೆ ಸಾರುತ್ತಿವೆ

ಅವರ ಕನಸುಗಳು ನಾಪಿಕವಾಗದಿರಲಿ
ಜೀವನದ ಮೇಲಿರುವ ಭರವಸೆಗಳು ಕುಗ್ಗದಿರಲಿ
ಹೊಸಬೆಳಕಿನ ಹುರುಪು ಹಸನಾಗಿರಲಿ
ಆಸೆಗಳ ಅಂಬಾರಿ ಸಾಗುತಲಿರಲಿ ....